Хабарингиз бор, Ёшлар ишлари агентлиги томонидан республика бўйлаб ногиронлиги бор бўлган ёшлар учун "Инклюзив таълим" маркази ўз фаолиятини бошлаган эди.
Ҳозирда ушбу таълим маркази Самарқандда ҳам фаолиятини самарали йўлга қўйган. Бугунги кунда марказ ўқувчиларига тикувчилик, тўқувчилик, компютер саводхонлиги, замонавий рақс ҳамда ўғил болалар учун турли касб-ҳунарлар ўқитилиб келинмоқда.
Шунингдек, марказ қошида "Инклюзив Ўзбекистон" саёҳатлари ташкил этилиб, ҳар ой мобайнида ёшларнинг республика бўйлаб тарихий масканларига саёҳатлари ташкил этилади.
Эслатиб ўтамиз, марказ фаолияти бугунги кунда ҳам давом этмоқда...