“Кичик саноат зонаси” даги катта ишлар

Пахтачи туманидаги “Тошкенжаев” кичик саноат зонасида ҳозирги кунда 3 та лойиҳа фаолият олиб бормоқда.

Жумладан:

“Азия кварц” МЧЖ - кварц қумни қайта ишлаш ва қадоқлаш билан шуғулланмоқда. Йиллик қуввати 1400 тонна қумни қайта ишлаб, бир кунда 80 тонна маҳсулотни “Қувасой ойна” корхонасига етказиб бериш йўлга қўйилган.

18 нафар фуқаролар иш билан таъминланган мазкур корхона бугунги кунда ғишт ва деворбоп маҳсулот ишлаб чиқаришни синовдан ўтказмоқда.

“Daler Plast” - хусусий корхонаси полиэтилен қувурлар ишлаб чиқаради. Йиллик қуввати 120 тонна. Мазкур корхона яна янги маҳсулот ишлаб чиқариб, қўшимча иш ўринлари яратиш учун ишлаб чиқаришни кенгайтирмоқда.

“Евро Макер Макс” МЧЖ - қурилиш материаллари ишлаб чиқарувчи корхона бўлиб, йиллик қуввати 480 тонна, 10 та иш ўрни яратилган. АТБ Халқ банки Пахтачи филиали орқали 240 млн.сўм кредит маблағи асосида фаолият бошлаган ушбу корхона янги лойиҳа сифатида шифер ишлаб чиқаришни йўлга қўйиш ҳаракатида.

Ҳурматли тадбиркор ва ишбилармонлар!

Сиз ҳам ўз ишлаб чиқаришингизни йўлга қўйинг, бу борада саноат зонаси Сизга кўмак беради.

P.S. Саноат зонаси ҳақида батафсил маълумотни туман ҳокимлигининг Инвестиция бўлими орқали билиб олишингиз мумкин.