Адлия вазирлигининг хабар қилишича, ҳукуматнинг фармойишига асосан 2019 йилнинг 15-30 август кунлари мамлакатимизнинг барча ҳудудларида ободонлаштириш ва тозалик ойлиги деб эълон қилинди.

Шунингдек, фармойиш билан 17-18 август кунлари умумхалқ хайрия ҳашарини ўтказиш белгиланди.

Ўтган 2018 йилнинг январь-июль ойларида Пахтачи туманида фаолият кўрсатаётган корхоналар томонидан 70,1 млрд.сўмлик саноат маҳсулотлари ишлаб чиқарилган.

Пахтачи туманида 2019 йилнинг 1 август ҳолатига давлат рўйхатидан ўтган корхона ва ташкилотларнинг умумий сони 2078 тани ташкил этиб, шундан фаолият кўрсатаётган корхона ва ташкилотлар сони 1137 тани ташкил этмоқда. Жорий йилнинг январь-июль ойларида 164 та корхона ва ташкилотлар ташкил этилди.

Тумандаги 30-боғчада “Очиқ эшиклар ойлиги” га бағишлаб турли хил чиқишлар ва спорт мусобақаларидан иборат тадбирлар ўтказилмоқда.

Ўтказилган тадбирда болажонларнинг ота-оналари, маҳалла фаоллари иштирок этишди ва бир олам таассурот олишди.

Пахтачи тумани маркази Зиёвуддин шаҳарчасидаги 7-мактабгача таълим ташкилотига “Очиқ эшиклар ойлиги” муносабати билан ташриф буюрган тумандаги тадбиркор Шухрат Тошев, боғча шароитларини мудира ва марказ раҳбари билан кўздан кечириб, болажонлар билан суҳбат ўтказди. Уларнинг беғубор қалбларидан жаранглаган шеърлар, қўшиқларни тинглади.

Жорий йил 16-август куни Пахтачи тумани прокурори Э.Шарипов 2-секторда фуқаролар билан сайёр қабул ўтказди. Фуқаролар ўзларини қийнаб келаётган муаммолар билан мурожаат қилишди.