Махсус имкониятлар
Январ ҳамда феврал ойларида кутилаётган об-ҳаво шароитини инобатга олган ҳолда кечки, ривожланишдан орқада қолган, кузда озиқлантирилмаган ғалла майдонларида азотли ўғитлар билан озиқлантириш ҳамда суғориш ишларини амалга оширишни тақозо этмоқда.
Ғаллага бериладиган ўғит ва сув ўсимлик илдиз системасининг ривожланишини кучайтиради ва туплаш бўғинининг катталашишига ҳамда туплаш бўғинида шакар моддаларининг кўпайишига сабаб бўлади.
Бу шароитда ғалла ўсимлиги ўсиш ўрнига вегетатив органларини, яъни туплаш бўғинини каттартиради ва эрта баҳорда катта туплаш бўғинларидан йирик найчалар ҳамда пояларни шакллантиради. Катта найча ва поялардан йирик бошоқлар ҳосил бўлишини таъминлайди.
Озиқлантирилмаган ва суғорилмаган, тупроқда намлик етарли бўлмаган ғалла майдонларидаги ниҳоллар совуққа, бошқа омилларга берилувчан ҳамда касаллик ва зараркунандаларга тез чалинувчан бўлиб қолади. Эрта баҳордан тупланмасдан найчалаш фазасига ўтиб кетиши ғалланинг ҳосилдорлиги пасайиб кетишига сабаб бўлади.
Қиш мавсумининг илиқ келишига қарамай, айрим вилоятлардаги далаларда ғалла ривожи орқада, туплаш даражаси пастлиги кузатилмоқда. Ривожи паст бўлган яхши тупламаган ғалла майдонларида бегона ўтларнинг кўпайиши ҳамда касалликлар ва зараркунандаларнинг ривожланиши кучайиб, ҳосилдорликка жиддий зарар келтириши кўп йиллик амалиётда кузатилган.
Шунинг учун кеч экилган, ривождан орқада қолган ғалла майдонларига об-ҳаво шароитидан келиб чиқиб, азотли минерал ўғитлар ва мавжуд биоўғитлар билан озиқлантириш ва суғориш ишларини тақозо этмоқда.
Самарқанд вилояти Ўсимликлар карантини ва ҳимояси бошқармаси Пахтачи туман агроном инспекторлари А.Зулфиқоров, Н.Турақулов, Ш.Рамозонов, Д.Хайитов.
